"U&R Company" olaraq, fəaliyyət göstərdiyimiz sahədə 10 ildən çox təcrübəyə sahib olduğumuz üçün müştərilərimizin fikirlərini və istəklərini daim analiz edirik. Bu isə öz növbəsində bizi yeni istiqamətlərə apararaq onlara uyğun fərqli xidmətlər təklif etmək üçün daim çalışmağımıza imkan yaradır. Belə ki, şirkət daxili prosedurların asanlaşdırılması və əməkdaşların öz məlumatlarına daha asan çatmasına yardımçı olacaq "Şəxsi kabinet" layihəsini "PASHA Technology" şirkəti üçün uğurla tətbiq etdik.
Bu layihə, İT xidmətləri, "Cloud Computing", kiber təhlükəsizlik əməliyyatları və məlumatların emalı mərkəzinin idarə edilməsi xidmətlərini təmin edən bir müəssisənin fəaliyyətinin idarə edilməsini daha da effektiv edir. Belə ki, hal-hazırda şirkət, istifadəçi yönümlü və asan idarə olunan funksionallıqlardan tam istifadə edərək vaxta qənaət edir və əlavə sənədləşmə prosedurlarından azad olur.
Layihənin tətbiqi zamanı bizə köməklik göstərən "PASHA Technology" şirkətinin əməkdaşlarına, xüsusilə də İnsan Kapitalının İdarə edilməsi və Daxili Kommunikasiyalar Departamentinin rəhbəri Aynur Həziyevaya xüsusi təşəkkürlərimizi bildirir və belə bir komanda ilə işləməkdən məmnun olduğumuzu ifadə edirik.
Əlavə olaraq qeyd etmək istərdik ki, artıq layihədə yeni modulların və funksionallıqların tətbiqi üçün işlərə başlanılmışdır. Növbəti paylaşımlarda bu işlər haqqında ətraflı məlumatlar təqdim ediləcəkdir.
#URC #URCompany #UandRCompany #PersonalCabinet #Cabinet #URCAZ #PASHA #Technology #PASHATechnology #Innovation #Cloud #Data #IT #InformationTechnologies #İnformasiyaTexnologiyaları #CloudComputing #Cyber #ŞəxsiKabinet
“U and R Company” Rəsmi Startap Statusunu Qazandı!
“U and R Company” innovasiya və inkişaf yolunda daha bir mühüm addım ataraq rəsmi startap statusunu əldə edib.
Bu “Startap Şəhadətnaməsi” yalnız bir sənəd deyil, həm də şirkətin texnoloji yeniliklər və rəqəmsal həllər sahəsindəki uğurlarının təsdiqidir.
Yeni statusla “U and R Company” daha böyük hədəflərə doğru irəliləməyə və biznes ekosistemində innovativ həllər təqdim etməyə davam edəcək.
"Şəxsi Kabinet" Onlayn Platforması "Startap Şəhadətnaməsi"nə Layiq Görüldü
Yerli bizneslər üçün innovativ həllər təqdim edən “U and R Company” tərəfindən hazırlanmış “Şəxsi Kabinet” onlayn platforması “Startap Şəhadətnaməsi”ni uğurla əldə edib.
Bu platforma şirkət əməkdaşlarının insan resursları şöbəsi ilə elektron qarşılıqlı əlaqəsini təmin edən bir xidmət olaraq, iş proseslərinin avtomatlaşdırılmasına və səmərəliliyinin artırılmasına töhfə verir. ERP proqram təminatı ilə inteqrasiya olunmuş sistem, şirkətlərin işçi heyətini strukturlaşdırılmış şəkildə idarə etməsinə və əməkdaşların lazımsız kağız sərfiyyatı olmadan öz məlumatlarına və sənədlərinə rahat çıxış əldə etməsinə imkan yaradır.
"Startap Şəhadətnaməsi”nin əldə edilməsi, platformanın innovativ həllər və rəqəmsal transformasiya sahəsində uğurlu addım atdığını təsdiqləyir.
“U and R Company” 1C Seminarında Son Yeniliklərlə Tanış Oldu
📅 1-2 mart tarixlərində keçirilən 1C tərəfdaş seminarında “U and R Company” nümayəndələri iştirak edərək 1C ekosistemindəki son yeniliklər və innovativ həllərlə tanış olublar. Tədbir çərçivəsində təqdim edilən əsas yeniliklər bunlardır:
🔹 1C Platformasında Yeni Funksiyalar – Süni intellekt və optimallaşdırmalar sayəsində daha sürətli və effektiv həllər mümkün olacaq.
🔹 Bulud Texnologiyalarının İnkişafı – 1C bulud həllərinin genişlənməsi məlumat təhlükəsizliyi və uzaqdan idarəetmə imkanlarını artırır.
🔹 İnteqrasiya və Avtomatlaşdırma – Mühasibatlıq və ERP sistemləri üçün yeni API-lər və avtomatlaşdırılmış hesabat modulları təqdim olunub.
🔹 Françayzinq Şəbəkəsinin Genişləndirilməsi – Tərəfdaş şirkətlər üçün maliyyə dəstəyi və yeni əməkdaşlıq modelləri elan edilib.
“U and R Company” üçün bu seminar yeni texnoloji həlləri öyrənmək, 1C icması ilə əlaqələri gücləndirmək və müştərilərə daha innovativ xidmətlər təqdim etmək baxımından önəmli bir addım oldu.